Dövlət Yanğından Mühafizə Hissəsinin yeni binasının açılışı olub

Mayın 14-də Fövqəladə Hallar Nazirliyi Dövlət Yanğından Mühafizə Xidmətinin Ağcabədi rayon Dövlət Yanğından Mühafizə Hissəsinin yeni inzibati binasının açılışı olub.

Teleqraf.com xəbər verri ki, Fövqəladə hallar nazirinin müavini Etibar Mirzəyev ən yüksək standartlara cavab verən müasir avadanlıqlarla təchiz olunmuş binanın rəmzi açılışını bildirən qırmızı lenti kəsib.
Hissənin ərazisində 3 çıxışlı yanğın deposu, nəzarət-buraxılış məntəqəsi, qazanxana, nasosxana, 2 ədəd su anbarı, içməli su anbarı, avtoyuma və bir artezian quyusu inşa olunub.

İnzibati binada şəxsi heyətin fəaliyyəti üçün hər cür şərait yaradılmışdır. Burada Azərbaycan xalqının ümummilli lideri Heydər Əliyevin həyat və fəaliyyətini əks etdirən fotostend də təşkil edilir.

Bundan başqa, inzibati binada dispetçer, tədris və istirahət otaqları, yeməkxana da vardır. Hissə ən müasir yanğınsöndürmə və qəza-xilasetmə avtomobilləri ilə təmin edilib.

İLHAMƏ