Millət vəkilinə ağır itki

Milli Məclisin deputatı Elmira Axundovaya ağır itki üz verib.

Publika.az-ın məlumatına görə, millət vəkilinin həyat yoldaşı Ramiz Axundov vəfat edib. Uzun müddət ağır xəstə olan Ramiz Axundov bu gecə dünyasını dəyişib.

Qeyd edək ki, Ramiz Axundov uzun müddət AzTV-də rejissor işləyib. Onun filmoqrafiyasında onlarla film, o cümlədən "Bakı arxipelaqı", "Bu, Səttar Bəhlulzadədir", "Habil Kaman", "Xəzər Atlantidası" və digər filmlər var.

Mərhum bu gün torpağa tapşırılacaq.