AZAL yenilənmiş uçuş cədvəli ilə bağlı sərnişinlərə müraciət etdi

“Azərbaycan Hava Yolları” QSC (AZAL) sərnişinlərə Azərbaycanda yay vaxtına keçidin ləğvi ilə əlaqədar olaraq dəyişikliklərin əks olunduğu yenilənmiş uçuş cədvəli barədə xatırladır.

QSC-nin mətbuat xidmətindən Teleqraf.com-a verilən məlumata görə, artıq AZAL-ın reysləri Bakıdan aşağıdakı qrafikə uyğun olaraq uçur.

Xatırladaq ki, təyinat məntəqələrinə nəzərdə tutulan vaxtda çatmaq və vaxtında transfer məqsədilə, AZAL aviaşirkətinin bütün beynəlxalq aviareysləri Azərbaycanın hava limanlarına hava limanlarından artıq alınmış aviabiletlərdə göstərilən vaxtdan bir saat tez uçacaq.

Heydər Əliyev Beynəlxalq Hava Limanı AZAL-ın martın 26-dan sonra olan reyslərinə aviabilet alan bütün sərnişinlərdən aviabiletdə göstərilən uçuş vaxtından 3 saat öncə qeydiyyat üçün hava limanına gəlməyi xahiş edir.

AZAL-ın bütün qurumları sərnişinlərin vaxtında təyyarəyə minməsini təmin etmək üçün gücləndirilmiş rejimdə işləyir.

Naibə QURBANOVA