Qafqaz İslam Ordusunun Azərbaycan izləri - Yeni kitab

Tarixçi alim Nəsiman Yaqublunun "Qafqaz İslam Ordusunun Azərbaycan izləri" adlı kitabı işıq üzü görüb. Teleqraf.com xəbər verir ki, müəllif kitabı böyük əziyyətlə yazdığnı qeyd edib.

"Qafqaz İslam ordusunun olduğu bütün Azərbaycan bölgələrini gəzdim, fotolarını çəkdim, neçə Türk əsgərinin məzarını tapıb dua oxutduq. Gəncədə, Göyçayda, Şamaxıda, Kürdəmirdə, Şəkidə, Qobuda, Güzdəkdə, Neftçalada və digər bölgələrimizdə o şəhidlərin izləri qalmaqdadır. Bəzilərinin isə məzarlarının təmirinə ehtiyac vardır. Bu kitabda o şəhidlər haqqında geniş bilgilər yer almaqdadır. Ruhları şad olsun! Böyük Rəsulzadə yazırdı ki, "Əgər biz 28 Mayda Azərbaycan İstiqlalını sözlə elan etmişdiksə,15 Sentyabrda onu əməli şəkildə həyata keçirdik". Yəni İstiqlalımızın gerçəkləşməsində Türk qardaşlarımızın ciddi dəstəyi oldu", deyə N.Yaqublu qeyd edib.