Ucarda dəhşətli qəza: 2 ölü, 2 yaralı

Ucar rayonunda ağır yol-nəqliyyat hadisəsi baş verib.

Teleqraf.com xəbər verir ki, hadisə rayonun Türkəçi kəndində qeydə alınıb.

Rayon sakini Zakir Bəkirov idarə etdiyi “VAZ-2107” markalı avtomobili yolun kənarındakı ağaca vurub.
Nəticədə sürücü və sərnişinlərindən Soltanəli İbrahimov hadisə yerində ölüb, digər 2 sərnişini xəstəxanaya yerləşdirilib.

Faktla bağlı Ucar rayon polis şöbəsi tərəfindən araşdırma aparılır.

Hacı Zeynalov