Üç rayonda narkotik əməliyyatı: həbs olunanlar var

İmişli rayonunda narkotiklərlə bağlı əməliyyat keçirilib.

Teleqraf.com xəbər verir ki, İmişli rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində Bəhrəmtəpə qəsəbəsində yaşayan rayon sakini, əvvəllər məhkum olunmuş Asəf Hüseynov saxlanılıb.

Asəf Hüseynovun həyətindən kultivasiya yolu ilə yetişdirilmiş 9 ədəd çətənə kolu aşkar edilərək götürülüb.

Daha bir əməliyyatı Göyçay polisi keçirib. Polis əməkdaşlarının həyata keçirdikləri əməliyyat-axtarış tədbirləri nəticəsində Qızılağac kəndində yaşayan Sərxan Rüstəmovun həyətindən kultivasiya yolu ilə yetişdirilmiş 13 ədəd çətənə kolu aşkar edilib.

Quba rayonunda da narkotiklərlə bağlı əməliyyat keçirilib. Əməliyyat-axtarış tədbirləri nəticəsində şəhər sakini, əvvəllər məhkum olunmuş Əmin Manafovdan 475 qram marixuana götürülüb.

Hacı Zeynalov