Bakıda yük maşınları qarət edən ələ keçdi

Bakının Xəzər rayonunda yük maşınlarından oğurluq edilib. Teleqraf.com xəbər verir ki, iki oğurluq hadisələrindən biri Şağan qəsəbəsində qeydə alınıb.

Avqustun 3-nə keçən gecə qəsəbə sakini Əli Niyazova məxsus “KamAZ” markalı avtomobildən akkumulyator oğurlanıb. Oxşar hadisə Mərdəkan qəsəbəsində də qeydə alınıb.

Qəsəbə sakinləri Daşqın Qafarova məxsus “ZİL” və Kəlbəli Bayramova məxsus “KamAZ” markalı avtomobillərdən akkumulyator oğurlanıb.

Xəzər rayon Polis İdarəsinin 1-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakini Rövşən Həşimov tutulub.

Onun daha bir avtomobildən akkumulyator oğurlaması da müəyyən edilib.

Hacı Zeynalov