Biləsuvar gömrüyündə aksiz markası olmayan siqaret aşkarlandı

Biləsuvar Gömrük İdarəsinin Gömrük hüquqpozmalarına qarşı mübarizə şöbəsinə aksiz markası ilə markalanmalı olan məhsulların belə marka olmadan əldə edilməsi, idxal edilməsi və satış məqsədilə daşınması barədə əməliyyat məlumatı daxil olub.

Dövlət Gömrük Komitəsindən Teleqraf.com-a verilən xəbərə görə, həmin məlumat əsasında, Biləsuvar şəhəri ərazisində “VAZ 2107” markalı minik avtomobili saxlanılıb və baxış keçirilib.

Baxış zamanı minik avtomobilinin yük yerində Azərbaycanın aksiz markası ilə markalanmayan müxtəlif markalı cəmi 9600 ədəd siqaret aşkar edilərək götürülüb.

Faktla bağlı araşdırma aparılır.

İlhamə ƏBÜLFƏT