DİN-dən ağır yol qəzaları ilə bağlı açıqlama

Bakının Nərimanov rayonunda ölümlə nəticələnən yol-nəqliyyat hadisəsi baş verib. Teleqraf.com xəbər verir ki, Ə.Əliyev küçəsində Bakı şəhər sakini Rəşad İsmayılov idarə etdiyi “Hyundai” markalı avtomobillə yolu keçən paytaxt sakini Sarvan Mətiyevi vurub.

Xəstəxanaya yerləşdirilən Sarvan Mətiyev orada ölüb.

Nərimanov rayonunun A.Nemətulla küçəsində daha bir yol qəzası baş verib. Gəncə şəhər sakini Ramin Qurbanov idarə etdiyi “Mercedes” markalı avtomobillə yolu keçən Bakı şəhər sakini Ramilə Qasımovanı vurub və nəticədə piyada hadisə yerində ölüb.

Oxşar hadisə Bərdə rayonunun Kövər kəndində də qeydə alınıb. Yevlax rayon sakini Saleh Şamilovun idarə etdiyi “VAZ-21074” və Ağdam rayon sakini Emin Əliyevin idarə etdiyi “Mercedes” markalı avtomobillər toqquşub.

Nəticədə Saleh Şamilovun sərnişinlərindən oğlu Elvin hadisə yerində ölüb, özü və 2 sərnişini, habelə Emin Əliyevin 2 sərnişini xəstəxanaya yerləşdirilib, onlardan Rahilə Alıyeva orada ölüb.

Daha bir yol qəzası Masallı rayonunun Ərkivan qəsəbəsində qeydə alınıb. Qəsəbə sakini Qadir Sadıxov idarə etdiyi “VAZ-21011” markalı avtomobili yol ayırıcısına vurub.

Nəticədə onun sərnişini, həmyerlisi Elşad Sadıqov hadisə yerində ölüb.

Salyan rayonunun Qarabağlı kəndində də yol-nəqliyyat hadisəsi ölümlə nəticələnib. Rayon sakini Fəxrəddin Əsgərov idarə etdiyi “VAZ-2107” markalı avtomobillə yolu keçən kənd sakini Asiya Ağamalıyevanı vurub.

Xəstəxanaya yerləşdirilən Asiya Ağamalıyeva orada ölüb.

Bütün faktlar üzrə hüquq-mühafizə orqanları tərəfindən araşdırma aparılır.

Hacı Zeynalov