Maştağa bazarında qan töküldü –TƏFƏRRÜAT

Bakının Sabunçu rayonunda bıçaqlanma hadisəsi baş verib. Teleqraf.com xəbər verir ki, hadisə Maştağa qəsəbəsində qeydə alınıb.

Qəsəbədəki bazarın qarşısında 1971-ci il təvəllüdlü Qədir Cavadov tanışı tərəfindən bıçaqlanıb. O, bıçaq xəsarəti ilə 3 saylı Sabunçu şəhər Xəstəxanasına yerləşdirilib. Ona tibbi yardım göstərilib.

İlkin məlumata görə, Qədir Cavadov bazarda meyvə-tərəvəz malları satırmış. O, yanvarın 13-də, səhər saatlarında bazara alverə gedib. Bazarın qarşısında Vüqar adlı tanışı ilə rastlaşan Qədir Cavadov pul borcu üstündə mübahisə edib. Mübahisə zamanı Vüqar adlı şəxs Qədir Cavadovu bıçaqlayaraq hadisə yerindən qaçıb.

Faktla bağlı Sabunçu rayon Polis İdarəsinin 14-cü polis bölməsi tərəfindən araşdırma aparılır.

Hacı Zeynalov