Şəmkirdə evlərə basqın edən dəstə zərərsizləşdirildi – ƏMƏLİYYAT

Şəmkir rayonunda yaşayış evinə basqın edilib.

Teleqraf.com xəbər verir ki, rayon sakini Ziyafət Ağayevanın evinə iki nəfər naməlum şəxs girib.

Onlar ev sahibini bıçaqla hədələyərək qızıl üzüyünü alıblar. Şəmkir rayon polis şöbəsi əməkdaşlarının əməliyyat-axtarış tədbirləri nəticəsində cinayəti törətməkdə şübhəli bilinən Qaracəmirli kənd sakinləri Şəhriyar Quliyev və Tehran Həsənov tutulublar.

Onların ötən ilin noyabr ayından cari ilin yanvar ayınadək olan müddətdə daha bir evdən pul oğurlamaları, habelə Şəhriyar Quliyevin həmkəndliləri Natiq Nağıyevlə birgə Azər Vəliyevin və Zaur Həsənovla birgə Sübhan İbrahimovun evindən pul və qızıl əşyalar oğurlamaları da müəyyən edilib.

Natiq Nağıyev və Zaur Həsənovun tutulması üçün tədbirlər görülür.

Hacı Zeynalov