Bakı, Hacıqabul və Şəkidə yanğın

Gecə saatlarında Bakı, Hacıqabul və Şəkidə yanğın hadisələri qeydə alınıb.

Bununla bağlı Teleqraf.com Fövqəladə Hallar Nazirliyinin (FHN) saytına istinadən xəbər verir.

Bakının Qaradağ rayonunda vətəndaşa məxsus ümumi sahəsi 3 m² olan köməkçi tikilinin içərisinə yığılmış köhnə ev əşyaları yanıb. Evin qalan hissəsi yanğından mühafizə olunub. Yanğın saat 02:14-də yanğınsöndürənlər tərəfindən söndürülüb.

Hacıqabul rayonunda isə vətəndaşa məxsus ümumi sahəsi 200 m² olan ikimərtəbəli 6 otaqlı evin yanar konstruksiyaları və ev əşyaları 150 m² sahədə yanıb. Evin qalan hissəsi yanğından mühafizə olunub. Yanğın saat 05:40-da yanğınsöndürənlər tərəfindən söndürülüb.

Şəkidə baş verən hadisə zamanı 6 otaqlı ev külə dönüb. Rayonun Baş Göynük kəndində vətəndaşa məxsus ümumi sahəsi 260 m² olan birmərtəbəli 6 otaqlı evin yanar konstruksiyaları və ev əşyaları yanıb. Yaxınlıqdakı tikililər yanğından mühafizə olunub. Yanğın saat 04:02-də yanğınsöndürənlər tərəfindən söndürülüb.