Bakıda sevgilisi qadını bıçaqladı – TƏFƏRRÜAT

Bakının Sabunçu rayonunda bıçaqlanma hadisəsi baş verib.

Teleqraf.com xəbər verir ki, hadisə rayonun Ə.Məmmədəliyev küçəsində yerləşən kafedə qeydə alınıb.

Kafedə 1984-cü il təvəllüdlü Tərgül Hümbətəliyeva bıçaqlanıb. O, bıçaq xəsarəti ilə xəstəxanaya gətirilib. Ona tibbi yardım göstərilib, vəziyyətinin ağır olduğu bildirilir.

İlkin məlumata görə, Tərgül Hümbətəliyeva kafedə sevgilisi tərəfindən bıçaqlanıb. Hadisə qısqanclıq zəminində baş verdiyi bildirilir.

Tərgül Hümbətəliyeva həmin kafedə xidmətçi işləyirmiş.

Faktla bağla bağlı Cinayət Məcəlləsinin 126.1-ci (qəsdən sağlamlığa xəsarət yetirmə) maddəsi ilə cinayət işi başlanıb.

Hacı Zeynalov