Bakıda 6 avtomobili qarət edən “zek” yaxalandı

Bakının Nizami rayonunda oğurluq törədən keçmiş məhkum yaxalanıb.

Teleqraf.com xəbər verir ki, Bakı şəhər Baş Polis İdarəsinin Cinayət Axtarışı İdarəsi və Nizami rayon Polis İdarəsinin 25-ci polis bölməsi əməkdaşlarının keçirdikləri əməliyyat-axtarış tədbirləri nəticəsində paytaxt sakini Sənan Bəndəlizadə tutulub.

O, sentyabrın 4-5-də rayon ərazisində 6 avtomobildən ehtiyat hissələri və mobil telefon oğurlamaqda şübhəli bilinir.

İstintaq araşdırması zamanı məlum olub ki, Sənan Bəndəlizadə əvvəllərdə məhkum olunub.

Faktla bağlı cinayət işi başlanıb.