Viski içmək üçün oğurluğa getdilər

Abşeron rayonunda mağazadan oğurluğa cəhd olub.

Teleqraf.com xəbər verir ki, Bakı-Sumqayıt şosesinin 12 kilometrliyində yerləşən “Azər-Siti” supermarketdən ümumi dəyəri 153 manata yaxın viski və şokolad oğurlamağa cəhd göstərən Ağdaş rayon sakinləri - 1991-ci il təvəllüdlü Qabil Rzayev və 1999-cu il təvəllüdlü Vasif Allahverdiyev həbs edilib.

Məlum olub ki, hər iki şəxs Sumqayıt şəhərində kirayədə yaşayıblar. Sumqayıt və ətraf yerlərdə fəhləliklə məşğul olan hər iki şəxs törətdiyi əməli etiraf ediblər.

Onlar viskini içmək üçün oğurladıqlarını deyiblər.

Faktla bağlı cinayət işi başlanıb.