Gecə yarısı polisə siqnal: Əli baltalı bir gənc... – Əməliyyat

Bakının Nəsimi rayonunda mağazadan oğurluğa cəhdlə bağlı polisə məlumat verilib.

Teleqraf.com xəbər verir ki, gecə saat 03:30-da rayonun Alı Mustafayev küçəsində yerləşən “1001 Xırdavat” mağazasının giriş qapısının şüşəsinin sındırılması barədə mühafizə polisinə əməliyyat siqnalı daxil olub.

Hadisə yerinə gedən polislər mağazada əlində balta olan bir gənci saxlayıblar. O, 19-cu polis bölməsinə təhvil verilib.

Məlum olub ki, həmin şəxs Qobu kənd sakini, 1990-cı il təvəllüdlü Ramil Umudovdur.

Faktla bağlı cinayət işi başlanıb.