Avtomobil qarətçisi yaxalandı – Əməliyyat

Bakının Xətai rayonunda avtomobildən oğurluq edilib.

Teleqraf.com xəbər verir ki, Bakı şəhər sakini Fidan Fərzəliyevaya məxsus “Opel” markalı avtomobildən sənəd və açar oğurlanması barədə Xətai rayon Polis İdarəsinin 34-cü polis bölməsinə məlumat daxil olub.

Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini Turqut Sadıqlı tutulub.

Onun sentyabrın 23-də Əziz Əliyevə və Xıdırnəbi Mustafayevə məxsus avtomobillərdən pul və məişət əşyaları oğurlaması da müəyyən edilib.

İstintaq müəyyən edib ki, Turqut Sadıqlı əvvəllər də məhkum olunub.