11 Yanvar 2018 19:58
816
12 Punto 14 Punto 16 Punto 18 Punto

Gəncənin Nizami rayon Polis İdarəsi əməkdaşlarının əməliyyat tədbirləri nəticəsində oğurluqda şübhəli bilinən şəhər sakini Tural Tahirov tutulub.

Teleqraf.com xəbər verir ki, Tural Tahirovun ötən il noyabrın 7-dən bu il yanvarın 2-dək olan müddətdə Gəncə şəhəri ərazisində 1 qadının çantasından içərisində pul və sənəd olan pul kisəsini, 1 idman zalından məişət əşyaları, 5 avtomobildən akkumulyator, habelə 9 həyətyanı sahədən 20 metr elektrik naqili, inşaat materialları və 17 ev quşu oğurlaması müəyyən edilib.

Bundan başqa, Nizami (Gəncə) rayon Polis İdarəsi əməkdaşlarının əməliyyat tədbirlərilə yanvarın 5-də Gəncə şəhər sakini İlkin Bağırovun “VAZ-21011” markalı avtomobilini qaçırmaqda şübhəli bilinən şəhər sakini, əvvəllər məhkum olunmuş Rəşad Babayev tutulub.


Müəllif: Hacı Zeynalov