Salyanda qətl törədən həbs edildi

Salyan rayonunda qətl hadisəsi baş verib.

Teleqraf.com xəbər verir ki, hadisə sentyabrın 1-də Salyan rayonunun Seyidsadıqlı kəndi ərazisində qeydə alınıb.

Elgün Səmədov həyətində münaqişə zəminində tüfəngdən açdığı atəşlə qonşusu Rüfət Bağırovu yaralayıb.

Xəstəxanaya yerləşdirilmiş R.Bağırov orada ölüb.

Polis və prokurorluq orqanları əməkdaşlarının keçirdikləri təxirəsalınmaz istintaq və əməliyyat-axtarış tədbirləri ilə E.Səmədov tutulub.

Ondan cinayətdə istifadə etdiyi, müvafiq sənədləri olmayan “İJ-58” markalı tüfəng götürülüb.