Həbsxanaya narkotik keçirilməsinin qarşısı alındı – Bakıda

Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində 3 saylı İstintaq təcridxanasına narkotik maddə keçirilməsi cəhdlərinin qarşısı alınıb.

Teleqraf.com xəbər verir ki, həbsdə olan Elşən Aslanova tanışı Aslan Həsənovun gətirdiyi sovqata baxış keçirilib.

Baxış zamanı içərisində olan şalvarın ətəklərinə tikilərək gizlədilmiş 2 ədəd kağız bükülüdə 0.376 qram narkotik vasitə - heroin aşkar olunub.

Aslan Həsənov Cinayət Məcəlləsinin 177.3.2 (oğurluq) və 234.4.3-cü (külli miqdarda narkotik vasitələri əldə etmə və satma maddələrinə əsasən həbs olunub.

Bundan başqa, Cinayət Məcəlləsinin 181.2.1; 181.2.3 və 181.2.5-ci maddələrinə əsasən həbs edilmiş Bəhruz Nurullayevin yanına qısamüddətli görüşə gəlmiş xalası oğlu Qusar rayon sakini Mumin Daşdəmirovun üzərinə baxış keçirilən zaman cibində çəkisi 0.25 qram olan 4 ədəd çətənə tumu aşkar olunub.

Hər iki faktla əlaqədar araşdırma aparılır.