Binəqədidə avtomobil divara çırpıldı, sürücü öldü

Binəqədi rayonunda yol-nəqliyyat hadisəsi ölümlə nəticələnib.

Teleqraf.com Daxili İşlər Nazirliyinin mətbuat xidmətinin məlumatına istinadən xəbər verir ki, avqustun 23-də saat 03 radələrində Binəqədi rayonu Natəvan küçəsində Bakı şəhər sakini Hüseyn Bəylərov idarə etdiyi "VAZ-2107" markalı avtomobili yolun kənarındakı divara vurub.

Sürücü hadisə yerində ölüb, 4 sərnişini xəstəxanaya yerləşdirilib.

Binəqədi Rayon Polis İdarəsi tərəfindən araşdırma aparılır.