Mingəçevirdə narkotik satan yevlaxlı yaxalandı

Mingəçevirdə narkotik vasitə satan Yevlax sakini saxlanılıb.

Teleqraf.com-un bölgə müxbirinin verdiyi məlumata görə, şəhər polis şöbəsi əməkdaşları tərəfindən aparılan tədbirlər nəticəsində Yevlax rayon Bəydili kənd sakini, Kərimov Nemət Yusif oğlu şübhəli şəxs qismində saxlanılıb.

Polis əməkdaşları şübhəli şəxsi narkotik vasitələri satarkən yaxalayıb. Mingəçevir şəhər polis idarəsindən verilən məlumatda deyilir ki, daha sonra şəxsin evinə polis əməkdaşları tərəfindən baxış keçirilərkən əlavə olaraq, 2 kiloqram 630 qram marixuana aşkar edilərək götürülüb.

Hazırda faktla bağlı araşdırmalar davam etdirlir.