Mağazadan oğurluq edən dəstə zərərsizləşdirildi

Bakının Qaradağ rayonunda mağazadan oğurluq edən mütəşəkkil dəstə zərərsizləşdirilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, sentyabrın 18-də Aydın Dostəliyevə məxsus mağazadan 500 manat və tütün məmulatı oğurlanıb.

Qaradağ rayon Polis İdarəsinin 11-ci polis bölməsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini Tural Nəsrullayev, Ağdam rayon sakini İlhamiz İsmayılov və Ağstafa rayon sakini Fərid Rəhimov tutulublar.

Hacı Zeynalov