Bakının iki rayonunda əməliyyat: Həbs olunanlar var

Bakının Sabunçu rayonunda əməliyyat keçirilib.

Teleqraf.com xəbər verir ki, Nəqliyyatda Baş Polis İdarəsi əməkdaşlarının daxil olmuş məlumat əsasında Bakıxanov dəmir yolu stansiyasının ərazisində keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən Bakı şəhər sakini N.Kərimov saxlanılıb.

Şəxsi axtarış zamanı ondan 485 qram marixuana aşkar edilərək götürülüb.

Bundan başqa, Suraxanı rayon Polis İdarəsinin 30-cu polis bölməsi əməkdaşlarının əldə edilmiş məlumat əsasında keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən əvvəllər məhkum olunmuş E.Tixtov saxlanılmışdır. Şəxsi axtarış zamanı ondan heroin və metamfetamin, Hövsan qəsəbəsindəki evindən isə 450 qram marixuana aşkar edilərək götürülüb.