Bakının üç rayonunda əməliyyat: 4 nəfər tutuldu

Bakının Pirallahı rayonunda əməliyyat keçirilib.

Teleqraf.com xəbər verir ki, Pirallahı rayon polis şöbəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində qəsəbə sakini, əvvəllər məhkum olunmuş F.Xəlilov saxlanılıb.

Şəxsi axtarış zamanı ondan heroin aşkar edilib.

Davam etdirilən əməliyyat-axtarış tədbirləri nəticəsində onun evindən 480 qram marixuana götürülüb.

Polis əməksdaşları tərəfindən narkotik vasitəni ona satmaqda şübhəli bilinən həmyerlisi R.Tağıyev də müəyyən edilərək saxlanılıb.

R.Tağıyevin evinə baxış zamanı oradan 475 qram marixuana, həmçinin heroin, metamfetamin və 1 ədəd elektron tərəzi aşkar edilərək götürülüb.

Bundan başqa, Kriminalistik Tədqiqatlar İdarəsi, Xəzər rayon Polis İdarəsinin 1-ci polis şöbəsi və 3-cü polis bölməsi, Suraxanı rayon Polis İdarəsinin 33-cü polis bölməsi əməkdaşlarının birgə keçirdikləri əməliyyat tədbirləri nəticəsində müxtəlif vaxtlarda Xəzər və Suraxanı rayonları ərazilərində 4 mağazadan pul, tütün məmulatı və spirtli içki oğurlamaqda şübhəli bilinən Bakı şəhər sakini C.Həsənov saxlanılıb.

Binəqədi rayon Polis İdarəsinin 6-cı polis bölməsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini B.Ağalarova məxsus “VAZ-2104” markalı avtomobili qaçırmaqda şübhəli bilinən Bərdə rayon sakini S.Dadaşov saxlanılıb.