4 Avqust 2020 10:56
556
12 Punto 14 Punto 16 Punto 18 Punto

Bu ilin yarım ili ərzində mütəşəkkil cinayətkarlığa qarşı mübarizədə həyata keçirilmiş əməliyyat-axtarış tədbirləri ilə 438 (+14), o cümlədən ağır və xüsusilə ağır cinayət törətmiş 103 (+25) kriminal qrup zərərsizləşdirilib.

Bu barədə Teleqraf.com-a Daxili İşlər Nazirliyinin Baş Əməliyyat və Statistik İnformasiya İdarəsindən bildirilib.

Məlumata görə, qanunsuz olaraq odlu silah saxlayan və daşıyan 86 (+21) nəfər cinayət məsuliyyətinə cəlb edilib.

Törədilmiş əmələ görə cəzanın labüdlüyünün təmini işi də nəzarətdə saxlanılıb.

Müvafiq fəaliyyət çərçivəsində müxtəlif cinayətlər törətmiş 6765, o cümlədən ağır və xüsusilə ağır cinayətlərə görə 1140 nəfər məhkəmə məsuliyyətinə cəlb edilib.


Müəllif: Hacı Zeynalov