Avtobusdan yıxılan kişi xəsarət aldı

Bakının Sabunçu rayonunda dəhşətli hadisə baş verib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə Bakıxanov qəsəbəsində qeydə alınıb. Bakı şəhər sakini Eldar Sultanov 25 saylı xətlə hərəkət edən “Daewoo” markalı avtobusdan yıxılıb və o, xəstəxanaya yerləşdirilib.

Məlum olub ki, hadisə sərnişin avtobusdan düşmək istəyərkən baş verib. Sürücü Eldar Sultanovun avtobusdan düşməmiş maşını idarə etməyə başlayıb. Bu zaman sərnişin avtobusun qapısından asılı qalaraq sürülüb.

Faktla bağlı araşdırma aparılır.

Hacı Zeynalov