Bakıda qəza: sürücü və sərnişin xəsarət aldı

Bakı-Quba yolunun 9-cu kilometrliyində yol qəzası baş verib. Teleqraf.com-məlumatına görə, Nadir Əzizov "VAZ 2108" markalı avtomobili ilə Siyəzənə gedərkən Biləcəri qəsəbəsi ərazisində qəzaya uğrayıb.

Qəza zamanı sürücü və yanında olan iş yoldaşı xəsarət alıb. Avtomobili idarə edən Nadir Əzizovun sözlərinə görə, qəzanın baş verməsinə "İkarus" markalı avtobus səbəb olub.

Yaralılara hadisə yerinə gələn təcili tibbi yardım əməkdaşları yardım edəndən sonra onlar ambulator müalicəyə buraxılıblar. Qəza baş verən ərazidə olan yol polis əməkdaşları hadisənin baş vermə səbəblərini müəyyən etmək üçün avtotexniki ekspertiza təyin ediblər. Faktla əlaqədar Baş Dövlət Yol Polis İdarəsində araşdırmalar aparılır.