Oğurluq avtomobillə yol qəzası törətdilər

Bakının Sabunçu rayonunda oğurluq avtomobillə yol qəzası törədilib.

Daxili İşlər Nazirliyini mətbuat xidmətindən Teleqraf.com-a verilən məlumata görə, Maştağa qəsəbəsindən qəsəbə sakini Elxan Yusifova məxsus “VAZ-21061” markalı avtomobil qaçırılıb.

Sabunçu rayon Polis İdarəsinin 14-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində avtomobilin qəsəbə sakini Vüqar Əzizov tərəfindən qaçırılması və idarə edilərkən yolun kənarındakı ağaca vurması müəyyən edilib. Vüqar Əzizov tutulub.

Hacı Zeynalov