Bakıda 17 min manatlıq dələduzluq

Bakının Nizami rayonunda dələduzluq faktı aşkar olunub.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Nizami rayon Polis İdarəsinin 25-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Azər Abdullayev tutulub.

Azər Abdullayev oktyabrın 24-də Namiq Niftəliyevin etimadını qazanaraq onun 17000 manatını alıb. O, həmin məbləğdə pulu mənimsəyib. Namiq Niftəliyev polisə şikayətindən sonra cinayət işi başlanıb.

Hacı Zeynalov