Narkotik bağbanına hökm oxundu

Bu gün Ağır Cinayətlər Məhkəməsində narkotik vasitələrin qanunsuz dövriyyəsində təqsirləndirilən Ağahüseyn Ağamovun cinayət işi üzrə məhkəmə prosesi başa çatıb.

Teleqraf.com xəbər verir ki, hakim Mahmud Ağalarovun sədrliyi ilə keçirilən prosesdə təqsirləndirilən şəxə hökm oxunub. Məhkəmənin hökmü ilə Ağahüseyn Ağamov 6 il müddətinə azadlıqdan məhrum edilib.

İttiihama görə, bu ilin iyulun 26-da Bakının Maştağa qəsəbəsində narkotik plantasiyası aşkarlanıb. Narkotiki əkib-becərən qəsəbə sakini 53 yaşlı Ağahüseyn Ağamov tutulub.

Polis əməkdaşları onun yaşadığı Maştağa qəsəbəsi, Xanlar küçəsindəki həyətyanı sahədən ümumi çəkisi 28 kiloqram 300 qram olan 201 ədəd çətənə kolu və 960 qram qurudulmuş marixuana aşkar edərək götürüblər. O, istintaqa narkotiki həyətində xüsusi aqrotexniki qulluq vasitəsilə əkib-becərdiyini etiraf edib.

Hacı Zeynalov