Nazirliyin şöbə müdirinin həbs müddəti uzadıldı

Mədəniyyət Nazirliyinin Təchizat və əmlak şöbəsinin müdiri İlkin Nəsibovun barəsində seçilmiş həbs qətimkan tədbirinin uzadılması ilə bağlı istintaq orqanını təqdimatına baxılıb.

Teleqraf.com xəbər verir ki, Səbail rayon Məhkəməsinin qərarı ilə istintaq orqanını təqdiomatı təmin olunub.

İlkin Nəsibovun barəsində seçilmiş həbs qətimkan tədbirinin müddəti daha 4 ay uzadılıb.

Qeyd edək ki, ötən ilin noyabrın 2-də İlkin Nəsibovun barəsində 4 ay müddətinə həbs qətimkan tədbiri seçilib.

Ittihama görə, İlkin Nəsibov noyabrın 1-də Dövlət Təhlükəsizliyi Xidmətinin keçirdiyi əməliyyat zamanı həbs edilib.

İstintaq orqanı tərəfindən İlkin Nəsibovun barəsində Cinayət Məcəlləsinin 179.4-cü (mənimsəmə, xüsusilə külli miqdarda ziyan vurmaqla törədildikdə) maddəsi ilə ittiham elan olunub.