Daha bir mafioz öldürüldü

Türkiyədə son bir neçə həftədə mafiyalar arasında yaşanan qanlı toqquşmalar Avropaya da sıçrayıb.

Teleqraf.com-un məlumatına görə, Hollandiyadakı türk mafiyası liderlərindən olan Okan Fidan paytaxt Amsterdamda silahlı hücuma məruz qalaraq öldürülüb.

44 yaşlı mafiya lideri “Volvo” markalın avtomobilinin sükan arxasına keçdikdən sonra qəfil silahlı hücumla üzləşib. Hücum nəticəsində ağır yaralanan Okan Fidan aparıldığı xəstəxanada həkimlərin səylərinə baxmayaraq, dünyasını dəyişib.

5 il əvvəl də ona qarşı hücum təşkil edilmiş, lakin həmin vaxt mafiya liderinin zirehli maşında olması, onu ölümdən xilas etmişdi.

Mafiya liderinin ölümündən sonra holland və türk təhqiqatçılar bir neçə hücum arasındakı əlaqələri araşdırmağa başlayıb.

Xatırladaq ki, son 2 həftədə artıq 5 türk mafiya başçısı öldürülüb. /anspress.com/