Mingəçevir sakini Kür çayının sahilində bıçaqlandı

Mingəçevir şəhərindən bıçaqlanma hadisəsi baş verib.

Bu barədə Teleqraf.com-a Mingəçevir şəhər Polis Şöbəsindən məlumat verilib.

Məlumata görə, hadisə Kür çayının şəhərin ərazisindən keçən hissəsində qeydə alınıb. Mingəçevir şəhər sakini Bəhruz Hüseynov həmin ərazidə bıçaqlanıb. O, bıçaq xəsarəti ilə xəstəxanaya gətirilib.

Polis əməkdaşlarının həyata keçirdikləri əməliyyat-axtarış tədbirləri nəticəsində cinayəti törətməkdə şübhəli bilinən Mingəçevir şəhər sakini Nicat Həsənov tutulub.

Faktla bağlı Cinayət Məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə cinayət işi başlanıb.

Hacı Zeynalov