Çay evində qumarxana aşkarlandı

Bakının Xətai rayonunda qanunsuz qumarxana təşkil edən şəxslərin müəyyən edilməsi ilə bağlı əməliyyat keçirilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, əməliyyat Xətai Rayon Polis İdarəsi əməkdaşları tərəfindən keçirilib. Əməliyyat-axtarış tədbirləri nəticəsində Bakı şəhər sakini Ceyhun Xəlilovun M.Hadi küçəsində yerləşən çay evində qanunsuz qumarxana təşkil etməsi müəyyən edilib. Ora baxış zamanı 2 ədəd noutbuk və 12 ədəd prosessor aşkar edilərək götürülüb.

Hacı Zeynalov