Faşist simvollarından istifadə edən rus deputatla bağlı qərar verildi

Moskva Şəhər Dumasının deputatı inzibati məsuliyyətə cəlb edilib.

Teleqraf.com xəbər verir ki, Moskvanın Xoroşevski Rayon Məhkəməsi deputat Dmitri Aleksandroviç Loktev barəsində qərar verib.

Qərara əsasən, o, Rusiya Federasiyasının İnzibati Xətalar Məcəlləsinin 20.3-cü maddəsi (faşist atributlarının və ya rəmzlərinin təbliği və ya ictimai nümayişi) üzrə təqsirli bilinir.

Məhkəmə deputatı 2 min rubl məbləğində cərimə edib.