Ucarda avtomobil piyadanı vuraraq öldürdü

Ucarda ölümlə nəticələnən yol-nəqliyyat hadisəsi baş verib.

Teleqraf.com xəbər verir ki, hadisə Bakl-Qazax yolunun rayonun Müsüslü kəndindən keçən hissəsində qeydə alınıb.

"Mercedes" markalı avtomobilin sürücüsü Bakı istiqamətində hərəkətdə olarkən yolu keçmək istəyən piyada, Göyçayın Alpoud kənd sakini İslamov Elçin Azər oğlunu vurub. Ağır bədən xəsarətləri alan yaralı elə hadisə yerində dünyasını dəyişib.

Fakt araşdırılır.