Söyüş üstündə həmkəndlisini bıçaqladı

Ağstafa rayonunda bıçaqlanma hadisəsi olub.

Teleqraf.com xəbər verir ki, hadisə rayonun Yuxarı Göycəli kəndində qeydə alınıb.

Məlumata görə, kənd sakini Həmid Babayev münaqişə zəminində həmkəndlisi Cəlil Rəhimovu bıçaqlayıb. Cəlil Rəhimov bıçaq xəsarəti ilə xəstəxanaya yerləşdirilib.

Polis əməkdaşlarının həyata keçirdikləri əməliyyat-axtarış tədbirləri nəticəsində Həmid Babayev tutulub. İlkin məlumata görə, hadisə söyüş üstündə baş verib.

Faktla bağlı Cinayət Məcəlləsinin 126.1-ci (sağlamlığa ağır xəsarət yetirmə) maddəsi ilə cinayət işi başlanıb.

Hacı Zeynalov