Sabirabadda ağır qəza: ölən var

Sabirabad rayonunda ölümlə nəticələnən yol qəzası baş verib.

Teleqraf.com xəbər verir ki, sentyabrın 10-da saat 19 radələrində Sabirabad şəhərində rayon sakini Rasim Babayev idarə etdiyi “VAZ-21074” markalı avtomobillə yolu keçən həmyerlisi Mənsurə Babayevanı və Ayna Abdullayevanı vurub.

Nəticədə xəsarət alan sürücü və piyadalar xəstəxanaya yerləşdirilib. A. Abdullayeva orada ölüb, digərləri xəstəxanada ilkin tibbi yardım göstərildikdən sonra buraxılıblar.

Baş Dövlət Yolis Polisi İdarəsi tərəfindən araşdırma aparılır.

Hacı Zeynalov