Bakıda evləri talayan dostlar həbs edildi

Bakının Xəzər rayonunda oğurluqla məşğul olan şəxslər həbs edilib.

Teleqraf.com xəbər verir ki, Xəzər Rayon Polis İdarəsinin 2-ci polis bölməsi əməkdaşlarının keçirdikləri əməliyyat tədbirləri nəticəsində Kəngərli rayon sakini, 1986-cı il təvəllüdlü İslam Möhbalıyev, Bakı şəhər sakinləri - 1997-ci il təvəllüdlü Rəhman Mirzəyev və 1992-ci il təvəllüdlü Nicat Cəbiyev tutulub.

Onlar iyunun 13-də Buzovna qəsəbəsi Albalılıq yaşayış massivində yerləşən 4 saylı yataqxanada yaşayan Tərlan Əhədovun mənzilindən, iyunun 28-ə keçən gecə Buzovna qəsəbəsi N.Əliyev küçəsində yaşayan Arzu Məlikovun və iyulun 5-də Buzovna qəsəbəsi Albalılıq yaşayış sahəsində yaşayan Sima Dəmirovanın evindən pul və qızıl-zinət əşyaları oğurlamaqda şübhəli biliniblər.

Faktla bağlı araşdırma aparılır.

Hacı Zeynalov