Daxili orqanından tiryək tapıldı

Biləsuvar Gömrük İdarəsinin “Qoşa Təpə” gömrük postunda İran İslam Respublikasından Azərbaycan Respublikasına piyada gələn Azərbaycan vətəndaşı Natiq Əliyevin üzərində şəxsi yoxlama aparılıb.

Dövlət Gömrük Komitəsinin mətbuat xidmətindən Teleqraf.com-a verilən məlumata görə, yoxlama zamanı onun daxili orqanından (düz bağırsağından) 4 ədəd bükümdə, xalis çəkisi 99,115 qram olan narkotik vasitə - tiryək, 2 ədəd bükümdə isə ümumi xalis çəkisi 17,163 qram olan psixotrop maddə - metamfetamin aşkar edilib. Faktla bağlı təhqiqat aparılır.

Naibə QURBANOVA