Tanınmış şirkətdən oğurluq edənlər yaxalandı

Xırdalan şəhərindəki “Embawood” mağazasından Abşeron Rayon Mühafizə İdarəsinə həyəcan siqnalı daxil olub.

Teleqraf.com xəbər verir ki, dərhal həyata keçirilmiş tədbirlərlə oradan şüşəni sındırmaq yolu ilə oğurluğa cəhd göstərənlər cinayət başında tutulublar.

Onlar ş Xırdalan şəhər sakini Ramin Cəfərov, Bakı şəhər sakini Natiq Möhübov və Şamaxı rayon sakini Aqil İsrafilovdur. Saxlanılan şəxslər Abşeron Rayon Polis İdarəsinə təhvil veriliblər.

Hacı Zeynalov