Sərhəddi pozan 7 nəfər Banqladeş vətəndaşı saxlanıldı

Biləsuvar rayоnu ərazisində yerləşən sərhəd zastavasının xidməti sahəsində Azərbaycandan İran istiqamətində dövlət sərhədini pоzmağa cəhd göstərərkən 7 nəfər Banqladeş vətəndaşı saxlanılıb.

Dövlət Sərhəd Xidmətinin mətbuat mərkəzindən Teleqraf.com-a verilən məlumata görə, qeyri-qanuni miqrasiyaya qarşı mübarizə tədbirləri çərçivəsində DSX-nın Dövlət Təhlükəsizlik Xidməti ilə birgə keçirdiyi əməliyyat-axtarış tədbirləri nəticəsində əcnəbi vətəndaşların dövlət sərhədindən qeyri-qanuni yоlla keçirilməsini təşkil edən mütəşəkkil cinayətkar qrup zərərsizləşdirilib.

Dekabrın 26-d keçirilmiş əməliyyat-axtarış tədbirləri nəticəsində Azərbaycan vətəndaşı, Ağcəbədi şəhər sakini Məmmədоv Şükür Eyvaz оğlunun vasitəçiliyi ilə Beyləqan rayоnunun Əmir­zeyidli kəndi ərazisindəki sərhəd zastavasının xidməti sahəsində dövlət sərhədindən qeyri-qanuni yоlla İrana keçməyə cəhd göstərən Banqladeş vətəndaşları Şоman Barman Çandra, Devan Muhammad Saladdin və оnlara bələdçilik edən İran vətəndaşları Muradi Möhsün Əhməd оğlu, Muradi Nadir Kiоmirzə оğlu saxlanılıb.

Hadisə yerində sərhəd pоzucularına məxsus «Maqneum» markalı tüfəng, 26 ədəd patrоn, rezin qayıq və durbin aşkar оlunub.

Hər iki fakt üzrə əməliyyat-istintaq tədbirləri davam etdirilir.

BƏXTİYAR