Bakıda iki nəfər intihar etdi

Bakının Pirallahı rayonunda intihar hadisəsi baş verib.

Teleqraf.com xəbər verir ki, hadisə rayonun 29-cu məhəllə, ev 15, mənzil 89 ünvanında qeydə alınıb.

Həmin ünvanda yaşayan, 1953-cü il təvəllüdlü Kazibenko Olqa Nikolayevna yaşadığı binanın 5-ci mərtəbəsindən özünü atıb. O, aldığı xəsarətdən hadisə yerində ölüb.

Bundan başqa, aprelin 12-də Bakı şəhər sakini Jalə Ağayeva özünü Yasamal rayonu ərazisində yerləşən 9 mərtəbəli binalardan birinin damından atıb. Jalə Ağayeva hadisə yerində vəfat edib.

Hər iki faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.

Hacı Zeynalov