Səudiyyəli nazir: “Suriyaya hərbi qüvvə göndərməyə hazırıq”

Səudiyyə Ərəbistanının xarici işlər naziri Adil əl Cübeyr Almaniyanın məşhur “Süddeutsche Zeitung” qəzetinə müsahibəsində Suriyanın İŞİD terrorçu qruplaşmasından azad edilmiş bölgələrindən və İranın bu ölkədə nüfuzunu artırmaq cəhdindən danışıb.

Teleqraf.com-un məlumatına görə, o, Səudiyyə Ərəbistanının İŞİD-ə qarşı mübarizədə Suriyaya hərbi qüvvə göndərməyə hazır oduğunu deyib:

“İŞİD-dən azad olunmuş bölgələrin İranın, Bəşər Əsəd qüvvələri və Livan “Hizbullah”ının nəzarətinə keçməsinin qarşısını almaq vacibdir”.

Səudiyyə Ərəbistanının xarici işlər naziri həmçinin bildirib ki, bu ölkənin hərbi qüvvələri Suriyada İŞİD-ə qarşı mübarizə aparan və Raqqa şəhərinə doğru irəliləyən Amerika qüvvələri ilə quru əməliyyatlarında iştirak etməyə hazırdır.

Samir