Terrorçular təslim oldu, 62 "Kalaşnikov" götürüldü

Türkiyənin Şırnak bölgəsinin Silopi mahalından İraqın şimalındakı dağlara qaçan 5 terrorçu Türkiyə hüquq mühafizə orqanlarına təslim olub.

Teleqraf.com Türkiyə mediasına istinadla xəbər verir ki, Türk Silahlı Qüvvələrinin yaydığı məlumata görə, Muşun Malazgirt mahalında separatçı terror təşkilatına kömək edənlərlə bağlı əməliyyat zamanı 12 nəfər saxlanılıb.

Əməliyyat zamanı bir avtomat, ov tüfəngi, piyadalara məxsus olan tüfəng, 2 tapança, 771 ədəd müxtəlif növ fişəng ələ keçirilib.

Eyni zamanda Batmanın Kozluk mahalında polis tərəfindən icra edilən yol təhlükəsizliyi və dversiyaya qarşı tədbirlər əsnasında iki çanta və içərisində 62 ədəd Kalaşnikov avtomatı, piyadalar üçün nəzərdə tutulan tüfənglər, partlayıcılar götürülüb.

Bundan başqa, Şanlıurfanın Ceylanpinar mahalında qanunsuz yollarla Suriyadan Türkiyəyə daxil olmaq istəyən bir PKK mənsubu və Bingölün Yayladərə mahalında həyata keçirilən əməliyyat zamanı bir terrorçu saxlanılıb.

Əməliyyat zamanı Şırnakın Silopi mahalında daldalanmaq məqsədilə İraqın şimalına keçmək istəyən 5 terrorçu ordu qüvvələrinə təsil olmaq məcburiyyətində qalıb.