Ərdoğan: İranla birgə əməliyyatlara başlaya bilərik

Türkiyə terrorçuluğa qarşı mübarizədə İranla birgə hərbi əməkdaşlıq edə bilər.

Teleqraf.com xəbər verir ki, bu açıqlama ilə Türkiyə Prezidenti Rəcəb Tayyib Ərdoğan İordaniyaya səfəri öncəsi çıxış edib.

"Türkiyə regiondakı terror təşkilatlarına qarşı mübarizəni davam etdirir. Türkiyə bu istiqamətdə apardığı mübarizədə İranla birgə hərbi əməliyyatlara başlaya bilər", deyə Ərdoğan bildirib.

Onun sözlərinə görə, əməliyyatların detalları bundan əvvəl iki ölkənin Baş Qərargah rəisləri arasında müzakirə olunub.