Trampdan İranla bağlı - Vacib qərar

ABŞ Prezidenti Donald Tramp ölkəsinin mümkün bir addım - İranla nüvə sazişindən imtina etmək məsələsi ilə bağlı qərar qəbul etdiyini bildirib.

Teleqraf.com-un TASS-a istinadən xəbərinə görə, Tramp məhz hansı qərarı qəbul etdiyini açıqlamayıb.

O, sadəcə, jurnalistlərin bu məsələ ilə bağlı sualını cavablandırarkən, "Mən qərar qəbul etdim" deyib.

Qeyd edək ki, İran ilə ABŞ, Rusiya, Böyük Britaniya, Çin, Fransa, Almaniya və Aİ arasında 2015-ci il iyulun 14-də Vyanada İranın nüvə proqramı üzrə Uzunmüddətli Birgə Fəaliyyət Planı imzalanıb. Bu saziş qlobal güclərin maraqlarının toqquşduğu mühüm bir məsələ ilə bağlı tarixi nailiyyət kimi dəyərləndirilirdi.