Prezident: “Günahkardırsa, oğlumu öldürəcəm”

Flippin Prezidenti Rodriqo Dutertenin oğlu Paolo haqqında istintaq başlayıb.

Teleqraf.com xarici mediaya istinadla xəbər verir ki, ona qarşı Çin mafiyası ilə əlaqə, eləcə də narkotik maddələrin satışı maddəsi ilə ittiham irəli sürülüb.

42 yaşlı Paolonun saxlanılmasından sonra Rodriqo Duterte jurnalistlər qarşısına çıxıb. Prezident bildirib ki, oğlunun günahı sübuta yetirilsə, onu öldürəcək:

“Mən bildirmişdim ki, əgər övladınızın narkotiklə əlaqəsi varsa, onu öldürün. Sözümün üzərində duracam. Əgər Paolonun günahı sübuta yetirilsə, onu öldürəcəm”.