Zəlzələ dəhşəti: ölənlərin sayı 293 oldu

Meksikada zəlzələ nəticəsində ölənlərin sayı 293 nəfərə çatıb.

Teleqraf.com "RİA Novosti"yə istinadən xəbər verir ki, Meksika meri Migel Anhel jurnalistlərə bildirib ki, bu gün dağıntılar altından daha 5 nəfərin cəsədi tapılıb. Bununla da paytaxtda ölənlərin sayı 155-ə yüksəlib. Ölənlərdən 99-u qadın, 54-ü kişi, 26-sı isə uşaqlardır.

Bundan əvvəl ölənlərin sayının 286 nəfər olduğu açıqlanmışdı.

Bu günə qədər dağıntılar altından 69 nəfər sağ çıxarılıb, 48 nəfər hazırda xəstəxanadadır, onlardan 4-nün vəziyyəti ağırdır.

Qeyd edək ki, sentyabrın 20-də Meksikada 7,1 gücündə zəlzələ baş verib.